Սանահին

Սանահինը, միջնադարյան Հայաստանի փառքը, գտնվում է Երևանից 170 կմ հեռավորության վրա,Ալավերդի քաղաքի տարածքում, Դեբետ գետի կիրճում, մի անդնդախոր զառիթափ եզրին: Մինչև այժմ, ողջ աշխարհին զարմացնում է հայերի շինարարական արվեստը: Լեռների ծերպերին,լեռնագագաթներին և կիրճերի զարիթափ եզրերին կառուցել են բերդեր, վանքեր, որոնցից է Սանահինը, որի կառուցման գեղարվեստական աստիճանը և գիտական նշանակությունը արդեն դուրս է գալիս ազգային սահմաններից: Սանահինի վանքային համալիրը բաղկացած է երկու եկեղեցիներից, մեկ ժամատնից/X դ./, ակադեմիայի շենքիցXIդ./, գրապահոցից/1063թ./, գալերեայից/Xդ./, գավիթից/1181թ./, զանգակատնից/XIII դ./, կամուրջից/1192 թ/.: Վանքի առաջնեկի շինարարությունը կոնկրետ ճշտված չի, բայց արդեն X-XI դդ. վանական միաբանության թիվը գերազանցում էր մի քանի հարյուրը: Այս ժամանակաշրջանում Սանահինը վերածվում է Հայաստանի խոշորագույն լուսավորության կենտրոնի, իսկ վանքի դպրոցը վերակազմավորվում է ակադեմիայի: Հայոց պատմության մեջ այն հայտնի է Գրիգոր Մագիստրոս Պահլավունու ակադեմիա անունով: Այսակադեմիայում մեծ ուշադրություն էր դարձված հումանիտար գիտությունների ուսուցմանը: Սանահինի գլխավոր եկեղեցին կառուցված է հայոց թագավոր Աշոտ III Ողորմածի կին Խոսրովանույշի հովանավորությամբ, ՙի բարորություն իր որդիներ Սմբատի և Կյուրիկեի՚: Արդեն X դ. վերջին այն Լոռվա թագավորության մայր տաճարն էր, անզուգական գեղեցկության և հզորության խորհրդանիշ: Սանահինի վանքի տարածքում է գտնվում նաև երկու խոշոր տոհմային գերեզմանոցներ՝ Զաքարյան իշխանների,/որոնք XII-XIII դարի կեսերին Անդրկովկասի տերերն էին, սելջուկյան պետության կործանողներ և XIX դ.հայ խոշոր մեծահարուստներ/ և Զաքարյանների ճյուղ՝ Արղությանների: Առանձնակի պետք է նշել նաև այս չքնաղ վանքային համալիրի ճարտարապետ Գրիգոր Տուտևորդու մահարձանը՝սքանչելի խաչքարի տեսքով: Սանահինում ամեն ինչ ներդաշնակ է՝ գեղարվեստականը, ինժիներականը, մտավոր- հոգեկանը և ճարտարապետականը: Երևի սրանում է այն խորհրդավոր ազդեցությունը, որ Սանահինում են ծնվել Լորիս-Մելիքովը/1876-80 թթ., Ռուսական կայսրությունում հռչակավոր զորավարը/, Արտյոմ Միկոյանը/հանճարեղ ավիոկոնստրուկտոր, չգերազանցված ՄԻԳ-կործանիչների ստեղծողը/ և Անաստաս Միկոյանը /XXդարի Խորհրդային կայսրության երկրորդ դեմքը, Խորհրդային Միության Գերագույն Խորհրդի նախագահ,Կարիբյան ճգնաժամի 1963 թ. լուծման մեծ դիվանագետը/:

Կոնտակտային տվյալներ

  • +374 10 54 67 28
  • +374 10 58 76 26
  • +374 98 58 76 26
  • +374 99 58 76 26
  • +374 96 58 76 26
  • planetaclub9@gmail.com
  • Իրավաբանական հասցե՝ Երևան,
    Վազգեն Սարգսյան 26/6
  • Հայաստան, 0010, Երևան
    Վազգեն Սարգսյան փող., 26/3 շենք