Հաղպատ

Հաղպատ - միջնադարյան Հայաստանի խոշորագույն ճարտարապետական կոմպլեկսներից մեկը, բաղկացած է երեք եկեղեցիներից, մեկ ժամատուն-գավիթից, զանգակատնից, սեղանատնից, գրապահոցից ևնրան հարող գալերեաներից, Հայաստանում ամենամեծը համարվող գավիթ-ժողովատեղից: Ողջ համալիրը պարսպապատ է, գտնվում է Երևանից 160 կմ հյուսիս-արևմուտք, Բազումիլեռնաշխթայի արևելյան լանջին: Ինչպես Հայաստանի այլ պատմական հուշարձանները, այնպես էլ Հաղպատի տեղը և դիրքըառավելագույն հարմարեցված է շրջակա միջավայրին՝ Դեբետ գետի մոտ 200 մ խորությամբ կիրճը,անտառապատ վիթխարի լեռներ, ստեղծում են բնության վայրի գեղեցկության և հայի նուրբճարտարապետական մտքի անզուգական համաձուլվածք: Համալիրի գլխավոր եկեղեցին, Սուրբ Նշանը նույնպես, ինչպես և Սանահինի Ամենափրկիչը, կառուցվելէ X դ. Աշոտ III կին Խոսրովանույշ թագուհու պատվերով 976-991թ.: Արվեստի զարմանահրաշ գլուխգործոց է,միայն հայկականին բնորոշ գմբեթավոր դահլիճի տիպին պատկանող, վիթխարի, արտաքին հայացքից ճնշողգմբեթի առկայությունը, ներսում լուծվում է դահլիճի վերասլաց տարածական ընկալմամբ: Այստեղ սովորական ստեղնաձև կամարները փոխարինել են սլաքաձև, կենտրոնում վեր ձգվածկամարներով, որը ներսից ձուլում է հսկա գմբեթը տաճարի ընդհանուր ինտերիերի մեջ: Կանտեղեկություններ, որ Հաղպատի Սուրբ Նշանը կառուցել է ճարտարապետ Տրդատը, համաշխարայինճարտարապետության և քաղաքաշինության միջնադարյան հանճարը: Հաղպատը նաև ժամանակի խոշորագույն գիտական կենտրոնն էր իր հռչակավոր գրապահոցով ևակադեմիայով, այստեղ են գրվել և նկարազարդվել միջնադարի անթիվ մագաղաթներ, որոնցից շատերըպահվում են այժմ Մատենադարանում: Հատկապես են ուշագրավ 1211թ. գրված Մակարի ավետարանը,մանրանկարչության Հաղպատի դպրոցի անզուգական հմայքով: Հաղպատի համալիրից կարելի էառանձնացնել նաև “Համազասպի տունը”, Հայաստանում ամենամեծ աշխարհիկ շինություինը: Թե դրսից, թեներսից այն ստեղծում է գերծանր շինության տպավորություն, որտեղ ամեն ինչ. թե չորս հիմնական սյուները ևնրանցից սկսվող ու կենտրոնում խաչվող լայնաթռիչք կամարները, որոնք ձևավորում են ութանիստ վրանաձևելուստ կենտրոնում, թե արտաքին պատերը, արտահայտում են վիթխարիություն և հզորություն: Այս ամենի կողքին իհարկե աներևակայելի նուրբ խաչքարեր, որոնցից Հաղպատի “Ամենափրկիչը”միջնադարի համար չափազանց ռեալիստական պատկերներով:

Կոնտակտային տվյալներ

  • +374 10 54 67 28
  • +374 10 58 76 26
  • +374 98 58 76 26
  • +374 99 58 76 26
  • +374 96 58 76 26
  • planetaclub9@gmail.com
  • Իրավաբանական հասցե՝ Երևան,
    Վազգեն Սարգսյան 26/6
  • Հայաստան, 0010, Երևան
    Վազգեն Սարգսյան փող., 26/3 շենք